Американскиот претседател Доналд Трамп доцна синоќа изјави дека ќе ја задржи блокадата на САД врз иранските пристаништа доколку не се постигне мировен договор со Техеран, додавајќи дека можеби нема да го продолжи примирјето откако ќе истече во среда.
„Можеби нема да го продолжам (прекинот на огнот), но блокадата ќе продолжи“, им рече американскиот претседател на новинарите на авионот „Ер Форс Уан“.
Иран, кој во петокот повторно го отвори стратешкиот Ормутски теснец, се закани дека повторно ќе го затвори доколку САД продолжат со блокадата.
Трамп претходно изјави дека ембаргото ќе остане „во целосна сила“ до крајот на преговорите со Иран.
