Американскиот потпретседател Џ.Д. Венс вели дека Иран прави економски тероризам и рече дека САД ќе одговорат со поморска блокада.
„Она што го прави Иран е чин на економски тероризам против целиот свет. Тие се заканија на секој брод што поминува низ Ормутскиот теснец. Претседателот покажа дека двајца можат да ја играат таа игра. Ако Иран се вклучи во економски тероризам, ние ќе се придржуваме до едноставен принцип – ниту еден ирански брод нема да помине“, изјави Венс за „Фокс њуз“.
Тој додаде дека Вашингтон сака да го зголеми економскиот притисок врз Техеран.
„Знаеме дека тоа е голема работа за нив. Знаеме дека создава дополнителен притисок. Претседателот сака иранскиот народ да продолжи напред, но топката сега е на нивен терен“, рече тој, истакнувајќи дека разговорите постигнале одреден напредок, но дека останува да се види дали ќе се постигне конечен договор.
САД, за потсетување, вчера започнаа поморска блокада на иранските пристаништа и сообраќајот поврзан со Иран по неуспешните преговори за време на викендот во Пакистан.
Американската команда предупреди дека бродовите што ќе се обидат да влезат или да ја напуштат блокираната зона без дозвола може да бидат пресретнати, пренасочени или запленети.
