Американската војска соопшти дека уништила бродови за кои се сомневало дека шверцувале дрога во источниот дел на Тихиот Океан, при што загинале пет лица, а едно лице останало живо.
Војската синоќа го објави нападот во саботата, со што бројот на жртви во слични напади се искачи на најмалку 168, откако администрацијата на претседателот Доналд Трамп почна да ги таргетира наводните наркотерористи во Пацификот на почетокот на септември минатата година.
Јужната команда на САД соопшти дека ја известила крајбрежната стража на САД да активира систем за пребарување и спасување за еден преживеан.
Трамп рече дека САД се во „вооружен конфликт“ со картелите во Латинска Америка и ги оправда нападите како неопходна ескалација за да се спречи протокот на дрога во САД и фаталните предозирања со дрога.
Нападите врз бродови во Пацификот долж латиноамериканскиот брег продолжија дури и кога американската војска се фокусираше на операциите на Блискиот Исток.
Трамп вчера изјави дека американската морнарица ќе започне блокада на бродовите што влегуваат или излегуваат од Ормутскиот теснец, откако разговорите за прекин на огнот меѓу САД и Иран во Пакистан завршија без договор.
