На вчерашната седница за пратенички прашања, пратеникот Димитар Апасиев ја отвори темата за валидноста на факултетската диплома на директорот на Агенцијата за национална безбедност (АНБ), Бојан Христовски. Апасиев тврдеше дека дипломата и уверението за завршено високо образование на Христовски содржат сериозни неправилности.
Премиерот Христијан Мицкоски одговори дека документите што Апасиев ги поседува се нецелосни и најави дека ќе биде испратена инспекција на сите универзитети за проверка на евентуални неправилности. Апасиев, пак, го повика премиерот да се осигура дека темата нема да биде заташкана, посочувајќи дека станува збор за суштински правни пропусти.
