Административните службеници во градинките реагираат дека имаат право на почакување на платите. Во соопштение испратено до медиумите истакнаа дека имаат право на покачување на платите. Како што велат тие секојдневно придонесуваат за нормално функционирање на установите за згрижување и воспитување на децата, извршувајќи важни административни и организациски задачи.
,,Согласно законските прописи и колективните договори, административните службеници имаат право на усогласување и покачување на платите. Сметаме дека ова право треба доследно да се почитува, со цел да се обезбеди еднаков и правичен третман за сите вработени во детските градинки.
Апелираме до надлежните институции и локалните власти да ги разгледаат барањата на административните службеници и да преземат соодветни мерки за подобрување на нивниот материјален статус.
Ја информираме јавноста дека административните службеници ќе продолжат да се залагаат за остварување на своите законски права преку институционални и законски механизми.” – се вели во соопштението од сите вработени аминистративци во градинките.
