Повеќе од 100 новороденчиња во најмалку седум европски земји во последните два месеци пријавиле гастроинтестинални симптоми, објавија министерствата за здравство. Сите деца кои биле хоспитализирани сега се отпуштени, а властите известија дека неколку серии адаптирано млеко што содржи токсин познат како цереулид се повлечени од локалните пазари.
Најмногу случаи се регистрирани во Франција, со 11 хоспитализации и два смртни случаи, и во Обединетото Кралство, каде 44 деца покажале симптоми на труење. Во Шпанија три бебиња биле хоспитализирани по консумирање на заразеното млеко. Просечната возраст на засегнатите бебиња била четири месеци.
Европскиот центар за превенција и контрола на болести истакна дека труењето со цереулид обично предизвикува благи симптоми, но новороденчињата под шест месеци се поподложни на потешки реакции и дехидрација. Центарот нагласи дека „поради брзото повлекување на производот, моменталната веројатност за поширока изложеност се смета за ниска“.
Вкупно се регистрирани повеќе од 100 случаи во седум земји, со околу 40 хоспитализации, иако не сите влади доставиле целосни податоци за засегнатите бебиња.
