Јаткастите плодови важат за едни од најздравите намирници, а редовното консумирање се поврзува со помал ризик од срцеви заболувања и предвремена смрт. Тие се богати со незаситени масти, растителни протеини, влакна и антиоксиданси, кои придонесуваат за намалување на „лошиот“ холестерол и триглицеридите. Иако се калорични, умерената употреба создава чувство на ситост и може да помогне во одржување на телесната тежина, објави Euronews.
Пекан ореви
Истражување на Illinois Institute of Technology покажало дека пеканите позитивно влијаат врз мастите во крвта и кардиоваскуларното здравје. Тие содржат полифеноли и други антиоксиданси кои ја намалуваат оксидацијата на липидите.
Ореви
U.S. Food and Drug Administration дозволува здравствено тврдење дека оревите можат да го намалат ризикот од срцеви заболувања. Богати се со алфа-линоленска киселина (омега-3), а дневен внес од над 30 грама може да го намали „лошиот“ холестерол и да придонесе за подобра меморија.
Бадеми
Познати по високата содржина на влакна и витамин Е, бадемите го поддржуваат здравјето на срцето, метаболизмот и стабилното ниво на шеќер во крвта. Најдобри ефекти се постигнуваат со 42–50 грама дневно.
Ф’стаци
Богати со протеини, витамини од Б-групата и фолна киселина, ф’стаците содржат и валин – аминокиселина важна за мускулен раст и закрепнување.
Бразилски ореви
Плод на дрвото Amazon Rainforest, тие се исклучително богат извор на селен, минерал важен за имунитетот. Поради можната токсичност при високи дози, се препорачува консумација од еден до два ореви дневно.
