Два аеродрома во југоисточна Полска се затворени како мерка на претпазливост поради руските напади врз блиската украинска територија, соопштија полските власти во саботата. „Во врска со потребата да се обезбеди можност за слободно работење на воената авијација, аеродромите во Жешов и Лублин привремено ги прекинаа летовите“, објави Полската агенција за воздушна навигација на X.
И двата града се наоѓаат во близина на границата со Украина, а Жешов е главен центар на НАТО за снабдување со оружје на Украина.
Полските воздухопловни сили започнаа со операции во полскиот воздушен простор како одговор на руските напади врз Украина, соопшти во четврток Оперативната команда на полските вооружени сили. „Овие акции се превентивни по природа и имаат за цел обезбедување и заштита на воздушниот простор, особено во областите во непосредна близина на ранливите региони“, соопшти војската. Војската соопшти дека немало нарушување на полскиот воздушен простор.
Услугата за следење на летови FlightRadar24 објави на X дека затворањето ги вклучува авионите на НАТО што работат во областа. Федералната администрација за воздухопловство на САД во известување наведува дека двата аеродроми се недостапни поради воени активности поврзани со обезбедување на националната безбедност.
Минатиот месец, Жешов и Лублин привремено ги прекинаа операциите, но властите во тоа време соопштија дека воените воздушни операции се рутински и дека нема закана за полскиот воздушен простор.
