Американскиот претседател Доналд Трамп изјави за Ројтерс дека Украина, а не Русија, го попречува потенцијалниот мировен договор, што е спротивно на реториката на европските сојузници, кои постојано тврдат дека Москва има мал интерес да ја заврши војната во Украина.
Во ексклузивно интервју во Овалната соба, Трамп рече дека рускиот претседател Владимир Путин е подготвен да ја заврши својата речиси четиригодишна инвазија на Украина. Зеленски, рече американскиот претседател, беше повоздржан.
„Мислам дека е спремен да склучи договор“, рече Трамп за рускиот претседател.
„Мислам дека Украина е помалку подготвена да постигне договор“, додаде тој.
На прашањето зошто разговорите предводени од САД сè уште не го решиле најголемиот копнен конфликт во Европа од Втората светска војна, Трамп одговори: „Зеленски“.
