Аеродромот во главниот град на Литванија, Вилнус, соопшти денеска дека привремено прекинал со работа поради сомнителни балони во воздушниот простор, што е последен во низата прекини на летовите во балтичката држава.
Европската авијација повеќе пати се соочува со проблеми во последните месеци поради појава на дронови и упади во воздушниот простор, вклучително и во Копенхаген и Брисел, а аеродромот во Вилнус е затворен најмалку 10 пати од почетокот на октомври.
Балтичката земја тврди дека временските балони што ги користат шверцерите пренесуваат шверцувани цигари и го обвинува белорускиот претседател Александар Лукашенко дека ја дозволува таа практика, опишувајќи ја како форма на „хибриден напад“.
Литванија ги затвори двата гранични премини со Белорусија во октомври како одговор на инцидентите со балони, но ги отвори повторно минатата недела откако прекините во воздушниот сообраќај се чинеше дека престанаа. Лукашенко го опиша затворањето на границата како „лудило“ и „измама“, обвинувајќи го Западот дека води хибридна војна против Белорусија и Русија.
