Skip to main content
Хроника

21-годишник приведен поради тепачка, откриено дека е сериски крадец

20/05/2025  11:07

Во Полициската станица Радовиш вчера е извршен службен разговор со А.А.(21) од село Злеово, Радовишко, кој претходно беше приведен поради учество во физичка пресметка со уште три лица во село Злеово.

Како што соопшти денеска МВР, во разговорот тој признал дека во периодот од јануари до мај 2025 година на подрачје на Радовиш извршил една „тешка кражба“ и едно „одземање на моторно возило“, а извршил и две кривични дела „одземање на моторно возило“ на подрачје на Струмица.

„Од него се одземени предмети кои потекнуваат од извршените кривични дела, запознаен е јавен обвинител од Основното јавно обвинителство Радовиш и по документирање на случајот против него ќе биде поднесена соодветна пријава“, информираат од полицијата.