Српскиот актер Сергеј Трифуновиќ повторно привлече внимание со неговите зборови упатени кон новинарите. „Тука сте, па да ви кажам дека нема да излезам. Сега ќе дојде некоја девојка да го шета кучето, јас нема да излезам. Е*ете се, вратете се во шталата, нема да излезам надвор денес, чао“, им рекол тој, според српскиот Курир, пренесен од Индекс.
Ова доаѓа по инцидентот во кој актерот и неговата сопруга се скарале во нивниот стан, при што Трифуновиќ наводно побарал развод, што довело до ескалација на ситуацијата. Иако беше спроведен разговор со полицијата, обвинителот изјави дека нема елементи на кривично дело.
Сепак, била поднесена прекршочна пријава против неговата сопруга Исидора, која е државјанка на Хрватска, бидејќи илегално престојувала во Србија. По правосилноста на пресудата, таа ќе мора да плати парична казна и да ја напушти Србија во рок од 24 часа. Исидора моментално се наоѓа во имиграциски центар, а наскоро ќе биде однесена на хрватската граница.
