Доколку ви се допадне оваа домашна нутела, а сигурно ќе ви се допадне, следниот пат веруваме дека ќе направите дупла доза.
Состојки:
– 1 литар млеко;
– 200 грама путер;
– 6 лажици брашно;
– 6 лажици какао;
– 200 грама шеќер во прав;
– 1 јајце;
– 200 грама лешници.
Подготовка:
1. Лешниците сомелете ги на поситно. Помешајте го какаото, брашното, шеќерот во прав. Во нив додадете половина литар млеко и јајце и добро помешајте. Втората половина од млекото ставете ја во тенџере и оставете на тивок оган да зоврие, па додадете ја смесата која ја подготвивте со постојано мешање. Додадете ги лешниците и мешајте. Доколку е потребно, намалете ја температурата на огнот и мешајте додека смесата не згусне.
2. Тргнете го тенџерето од шпорет, додадете путер и помешајте.
3. Кога смесата ќе се излади, помешајте ја со миксер и оставете ја во фрижидер во текот на една цела вечер. Вака подготвената домашна нутела се чува во стаклена тегла во фрижидер, до три седмици.
