Никол Ендрјус, онколог од Вашингтон, наведе пет намирници кои не ги препорачува во исхраната и таа веќе не ги конзумира.
Пред сè, поради нивното целокупно здравје, но и поради потенцијалните здравствени ризици што ги носат на долг рок.
Алкохол
Ендрјус вели дека воздржувањето од алкохол е добро за здравјето. Според Центрите за контрола и превенција на болести, телото го разложува алкохолот во хемикалија ацеталдехид, што може да влијае на ДНК и да го спречи телото да ја поправи штетата.
Преработено месо
Ендрјус вели дека избегнува сувомеснати производи и виршли, салами и други месни производи. Во 2015 година, Светската здравствена организација го прогласи преработеното месо за канцерогено, истакнувајќи дека има доволно докази од епидемиолошките студии дека консумирањето преработено месо предизвикува колоректален карцином.
Газирани пијалоци
Газираните пијалоци треба да се избегнуваат пред сè поради големата количина на шеќер, но дури ни диеталните газирани пијалоци не се подобар избор бидејќи обично содржат вештачки засладувачи. Конзумирањето на зашеќерени или вештачки засладени пијалоци, исто така, се покажа дека го зголемува ризикот од срцеви заболувања.
Кафе со шеќер
Кафето дава безброј здравствени придобивки. Умерено консумирање кафе може да го намали ризикот од развој на комбинација од дијабетес, мозочен удар и срцеви заболувања. Сепак, овие придобивки се загрозени кога вашата шолја кафе ќе премине во категоријата десерт поради прекумерното количество шеќер.
Растително млеко
И покрај популарноста на алтернативните млека, онкологот избира полномасни млечни производи богати со хранливи материи.
„Не конзумирам растителни млека бидејќи се многу сиромашни со хранливи материи“, објасни таа. Нејзината желба е поддржана од експерти кои предупредуваат дека опциите од растително потекло не се секогаш нутритивно еквивалентни на оние од животинско потекло. Соединението кое се наоѓа во млечните производи како што се млекото, сирењето, путерот и јогуртот се чини дека ги активира Т-клетките кои му помагаат на имунолошкиот систем да се бори против бактериите и туморите и да штити од болести.
