Македонската кошаркарска репрезентација ги продолжува квалификациите за Евробаскет 2025. Во ноемврискиот циклус, противник на „црвено-жолтите“ е селекцијата на Литванија.
Литванците се фаворите на двете средби, но од таборот на нашата репрезентација ветуваат максимална борбеност за секоја топка и искористување на секоја шанса.
Селекторот Александар Јончевски за првиот меѓусебен дуел ќе ги нема на располагање Ненад Димитријевиќ, Ти-Џеј Шортс и Итан Хап.
Првиот натпревар ќе се игра вечер од 18 часот во СРЦ „Кале“, додека реваншот е закажан за 24 ноември. По две кола во групата Х, Естонија е прва со 4 бодови, Македонија и Литванија имаат по 3, Полска е последна со 2 бода.
