Градоначалникот на Општина Струмица, Костадин Костадинов, објави позитивни вести за жителите на Струмица, соопштувајќи дека водата од водоводната мрежа е повторно потврдена како питка. Во објавата на неговиот Фејсбук профил, Костадинов истакнува дека анализите спроведени од Агенцијата за храна и ветеринарство (АХВ), три акредитирани приватни лаборатории и Центарот за јавно здравје Струмица ги побиле претходните негативни резултати од Институтот за јавно здравје.
Според него, резултатите од АХВ и независните лаборатории понудиле нова надеж за граѓаните, кои со месеци се соочуваа со забраната за употреба на водата за пиење. Костадинов истакнува дека овие анализи го потврдуваат квалитетот на водата, што е особено важно за здравјето на жителите на Струмица и околните населени места.
„Анализите од АХВ, три акредитирани приватни лаборатории и Центар за јавно здравје Струмица ги побија резултатите на Институтот за јавно здравје, кои не измачуваа сите нас како струмичани,“ напиша Костадинов.
Тој исто така им се заблагодари на професионалците од АХВ за нивната храброст и посветеност во решавањето на овој проблем. „Благодарам на професионалците од АХВ што се одважија и го потпишаа решението за укинување на забраната! На сите кои се ситевте, во овие за нас струмичани тешки и мачни денови, ви простувам од дното на мојата душа,“ напиша градоначалникот.
Проблемите со водата во Струмица, кои беа предизвикани од зголеменото присуство на манган и колифорни бактерии, доведоа до забрана за употреба на водата за пиење пред еден месец. Сепак, со новите анализи и потврда на безбедноста, се отвора патот за решавање на проблемите, вклучувајќи и потребата за дополнителни разговори со надлежните институции за проблемот на браната „Турија“.
Жителите на Струмица сега можат да се чувствуваат сигурно во однос на квалитетот на водата, а локалната власт продолжува со напорите за осигурување на безбедноста и здравјето на своите граѓани.
