Мачките според некои мислења се подобар избор за домашно милениче бидејќи можат да останат сами дома подолго од кучињата. Но, се поставува прашањето дали ова тврдење е навистина точно.
Доколку се задоволени основните потреби на мачката, тогаш таа може да биде сама дома одреден временски период. Колку долго ќе трае тоа зависи од неколку фактори – главно возраста на мачката и нејзината здравствена состојба (ментална и физичка). Важен фактор е нејзиниот темперамент и квалитетот на средината во која е оставена сама.
Здрава возрасна мачка може да остане сама дома од 24 до 48 часа, доколку се исполнети условите за нејзина удобност и нормално функционирање. Тоа значи дека има доволно храна, свежа вода и чист тоалет. Играчките и опкружувањето што ја поттикнува нејзината љубопитност, исто така, можат да и помогнат да не ѝ биде досадно.
Што е со мачињата?
Со мачиња е сосема поинаку. Мачиња до четири месеци бараат многу внимание, социјализација и храна. Се препорачува да не бидат сами повеќе од неколку часа. Мачиња постари од шест месеци се малку понезависни, но се препорачува да не бидат сами повеќе од 8 до 12 часа.
А што е со постарите мачки?
Припаѓаат и на почувствителна група. Постарите мачки или оние со здравствени проблеми имаат потреба од почесто следење, повеќе лекови и посебна грижа. Затоа, се препорачува да ги проверувате на неколку часа или да натерате некој друг да го направи тоа наместо вас доколку сте спречени.
Кога мачката е сама дома, мора да има доволно храна и вода на располагање, а важни се и играчките. Исто така, важно е да имаат чист тоалет, а гледањето низ прозорецот може да биде добар начин да се ослободат од досадата.
Од друга страна, ако не можете да останете смирени додека вашето маче е само дома, има и камери со кои можете да ја следите и набљудувате од далечина.
