Ново истражување на Универзитетот во Саутемптон покажува дека жените генерално почнуваат да губат интерес за сексуални односи со својот партнер по само една година врска. Резултатите укажуваат дека жените кои се подолго време во врска имаат четири пати поголема веројатност да избегнуваат интимност отколку оние кои се во пократки врски. За мажите, пак, ситуацијата е различна – нивниот сексуален интерес за партнерот останува стабилен без значителни промени со текот на времето.
Истражувањето вклучувало повеќе од 11.500 учесници, а резултатите покажале дека повеќе од една третина од жените се жалат на губење на сексуалниот интерес, за разлика од само 15 проценти од мажите.
Некои од главните причини за оваа појава се лошите искуства од минатото, менталното и физичкото здравје, како и пренесувањето на сексуално преносливи инфекции, кои се клучни фактори за намалување на интересот кај двата пола. Дополнителен фактор за жените е мајчинството. Жените со едно или повеќе деца имаат два пати помал сексуален нагон во споредба со оние кои немаат деца. Многу родители велат дека грижата за децата често ја намалува интимноста со партнерот – децата не само што бараат внимание туку често ги прекинуваат во клучни моменти.
Постпородилниот период исто така влијае – грижата за новороденчето и физичките промени го намалуваат интересот и енергијата за интимни моменти.
Сепак, експертите за односи велат дека е важно паровите да вложуваат напор за да ја одржат блискоста, препорачувајќи да поминуваат време заедно и да не дозволат недостатокот на моментална желба да ги оддалечи од партнерот.
