Легендарниот музичар Елтон Џон, на 77-годишна возраст, откри дека го изгубил видот откако се борел со „тешка“ инфекција додека им се обраќал на толпата на хуманитарната проекција на „Ѓаволот носи Прада: Мјузикл“.
– Како што некои од вас знаат, имав проблеми и сега го изгубив видот. Не можев да го гледам настапот, но уживав додека го слушав – им рекол Џон на насобраните.
Тој му се заблагодари на својот сопруг за поддршката.
– Мојот сопруг беше мојата карпа на поддршка, бидејќи не успеав да дојдам на многу проби бидејќи, како што знаете, го изгубив видот. Да, тешко ми е да ги гледам, но ги сакам. И вечерва звучевме одлично. Ви благодариме што дојдовте! – објави поп-музичарот на својот Тик – Ток.
Пејачот претходно откри на почетокот на септември дека имал „ограничен вид само на едното око“ откако добил „тешка инфекција на очите“.
– Се лекувам, но тоа е исклучително бавен процес и ќе помине извесно време пред да се врати видот на оштетеното око – напиша тогаш Џон во изјавата.
Тој понатаму „се осврна“ на својата состојба во интервју со Робин Робертс на „Добро утро Америка“ минатата недела.
– За жал, во јули го изгубив видот на десното око бидејќи имав инфекција на југот на Франција и не гледам четири месеци. Ниту моето лево око не е најдобро, па има надеж и охрабрување дека се ќе биде во ред, но некако сум заглавен во моментов – призна тогаш Сер Елтон Џон.
