Сега со заладувањето на времето, многумина луѓе ќе почнат со правење на своите омилени манџи и супи, во коишто главната состојка е токму кромидот. Чак Силари, готвачот и основач на „Mortadella Head“ вели дека кромидот го чува во шпајзот, но и дека може исто така да се чува на темно и ладно место.
„Целиот свеж кромид го чувам во корпа во шпајзот. Сакам корпата да биде отворена а не откриена, бидејќи тоа овозможува добра циркулација на воздухот и на тој начин добивате максимален рок на траење на кромидот“, објаснува готвачот.
Соодветната вентилација е особено важна доколку сакате кромидот да остане сув. Недостигот од проток на воздух може да предизвика појава на влага, а тоа не е добро за кромидот.
Клучот за обезбедувањето на свежината на кромидот е да го држите понастрана од водата, бидејќи неговото чување во затворен простор ќе овозможи создавање на влага, а тоа ќе доведе до тоа кромидот да мувлоса. Исто така топлината и светлината ќе предизвикаат побрзо ’ртење на кромидот, а тој ќе добие зелена боја и има горк вкус и поради тоа важно е тој да се чува на темно место.
Не го оставајте кромидот во фрижидер, бидејќи во фрижидерот е премногу ладно и влажно за кромидот, па наместо тоа чувајте го на собна температура во фиока доколку немате шпајз.
Кога се чува во ладно, темно и добро проветрено окружување, кромидот може да остане свеж од еден до два месеци.
