Skip to main content
Свет

Трамп ја именуваше менаџерката на кампањата Сузан Вајлс за шефица на кабинетот

08/11/2024  08:22

Во свето прво кадровско решение по победата на претседателските избори во вторникот, Доналд Трамп ја назначи својата поранешна менаџерка на кампањата Сузан Вајлс за шефица на кабинетот на Белата куќа – првата жена што ќе ја има таа улога.

Тој ја опиша како „цврста, паметна, иновативна“ и рече дека и се восхитуваат и почитуваат многу луѓе.

Вајлс (67), родена во Њу Џерси, ќе има значителна моќ во Белата куќа. Канцеларијата служи за регулирање на пристапот до врховниот командант, што ја прави една од клучните позиции во секоја администрација.

Но, како што нагласува ДПА, работата не е без опасности. Во првиот мандат на Трамп во Белата куќа, имаше четворица шефови на кабинетот, вклучувајќи го и пензионираниот генерал на американскиот марински корпус Џон Кели, кој стана еден од главните критичари на Трамп.