Search

Организаторите на „Греми“ ги менуваат правилата по обвинувањата за корупција

Организаторите на музичките награди „Греми“ во петокот објавија крај на таканаречените „тајни одбори“ што доведоа до обвинувања дека највисоките почести во музичката индустрија се отворени за местење. Американската музичка академија соопшти дека номинациите за следните Греми- награди во јануари 2022 година ќе бидат избрани од сите нејзини 11,000 членови со право на глас, наместо од одбори од 15-30 експерти чии имиња не беа откриени.

Академијата беше критикувана минатата година кога канадскиот музичар Викенд не доби ниту една номинација за „Греми“, иако неговиот албум After Hours беше еден од напродаваните во 2020 година.

Викенд, во објава на Твитер во ноември минатата година, напиша: „Греми остануваат корумпирани. Вие ми должите мене, на моите фанови и на транспарентноста во музичката индустрија”.

Треба да знаете
Последни објави