Напаѓачот на англискиот фудбалски премиерлигаш Манчестер јунајтед, Алексис Санчез не може да најде нов клуб во летниот преоден рок поради високата плата. Та е причината според „Дејли мејл” зошто нема заинтересирани екипи за услигите на Чилеанецот.
Платата на Санчез во Манчестер јунајтед е 300 000 фунти неделно. Тој добива уште 100 илјади за користење на неговиот имиџ. Ќе добие и бонус од пет милиони фунти ако се најде 30 пати во почетниот состав на сите натпреварувања. Толку ќе добие и неговиот агент Фернандо Фелисевич. Покрај тоа, Санчез има и разни бонуси, што ја зголемува неговата плата на 560 илјади фунти неделно.
