Поранешниот играч на германскиот фудбалски првак Баерн Минхен, Лотар Матеус, верува дека бундеслигашот е голем фаворит во осминафиналната пресметка од Лигата на шампионите против Челзи. Првиот дуел овие тимови ќе го одиграат утре во Лондон.
– Баерн е јасен фаворит. Ова не е толку силен Челзи од минатото со играчи како Мајкл Балак, Џон Тери, Френк Лампард и Дидие Дрогба. Ова е многу млад тим кој претрпе измени. Затоа, претпоставувам дека Баерн ќе стигне во следната фаза, покажувајќи два одлични натпревари.
Во однос на квалитетот, Баерн е значително пред Челзи. Во Премиер лигата, „сините” го заземаат само четвртото место, со повеќе од 30 бода заостанување зад „Ливерпул”. Повреден е и Нголо Канте. Во принцип, тимот веќе нема брилијантност како во старите времиња, истакна Матеус.
