Search

Македонија во Белград ќе се тестира со Кувајт

Македонската машка ракометна репрезентација која ќе настапи на завршницата од Европското првенство на почетокот од јануари идната година ќе се подготвува под палката на селекторот Данило Брестовац со одигрување на повеќе контролни натпревари, наместо само тренинзи. Со ваквиот метод на подготовки Брестовац сака сите играчи во натпреварувачки ритам да го дочекаат стартот на евро-шампионатот, каде Македонија ќе игра во групата во Австрија со домашната селекција и државните тимови на Чешка и Украина.

За таа цел закажани се две нови пријателски средби со Кувајт во Белград, пред заминување на Македонија во Романија каде ќе учествува на „Трофеј Карпати“. На овој турнир „црвено-жолтите“ силите ќе ги одмерат со домаќинот Романија, Србија и Алжир.

 

Треба да знаете
Последни објави