Search

Брачен пар се обидел да внесе над милион долари во Мексико

Мексиканските власти уапсиле двојка која се обидела да влезе во земјата со повеќе од еден милион долари скриени во автомобилот.

Министерството за одбрана соопшти дека двојката била уапсена вчера во градот Нуево Ларедо, на границата со Тексас, објави АП.

Националноста на осомничените не е откриена, но се знае дека автомобилот со мексиканска регистрација пристигнал од Хјустон.

Во автомобилот покрај двете возрасни лица, патувало и дете.

Властите во автомобилот пронашле 29 пакети со вкупно 1.070.400 долари, откако возилото минало низ скенер на граничниот премин.

Треба да знаете
Последни објави