Заев со опомена до функционерите: Мора да имаат видливи резултати или пак ќе бидат сменети
Лидерот на СДСМ им порачал на сопартијците дека мора да работат добро и да покажат резултати со кои СДСМ ќе покаже разлика во нејзиното владеење или во спротивно ќе бидат сменети, брифира за ТВ 24 висок партиски функционер на ЦО.
Кон жолтиот картон на лидерот според истиот извор се приклучил генералниот секретар на партијата кој на сопартијците им кажал дека резултатите ќе им бидат мерени и анализирани и тие што ќе ги немаат ќе паузираат од функциите. Според неофицијалните извори во најтесното раководство на СДСМ веќе има неколку кандидати од чии резултати Заев не е задоволен, но не сакаат да откријат имиња.
