Припадниците на полицијата во Белград во акцијата за идентификација и приведување на учесниците во инцидентот во Студентски град, уапсија уште седум лица – Ч.Р. (2002), Р.С. (2003), Н.Б. (2003), Т.С. (2002), В.Р. (2003), Н.В.(2002) и А.Г.(2003) поради сомнение дека учествувале во групата која го нападна студентот Милош Павловиќ и неговите пријатели во Студентски град во Нов Белград, со што вкупниот број на уапсени се искачи на 18, соопшти срското МВР.

Две лица В.М. (1986) и П.С. (1994), беа уапсени и за навреда на полицајци на вечерашниот протест пред Полициската станица Нов Белград.

Полицијата во соработка со надлежното обвинителство продолжува со работата за откривање и приведување на другите учесници во инцидентот, како и за утврдување на сите факти и околности поврзани со овој случај, а против сите кои сториле кривични или прекршоци ќе бидат поднесени соодветни пријави.