Search

Јавното обвинителство обезбедило траги и видео снимки од менувачницата во Кисела Вода

Од основното јавно обвинителство во Скопје соопштија дека извршиле увид на лице место заедно со увидна екипа од крим техника во менувачницата во Кисела Вода каде што попладнево при обид за разбојништво две лица беа убиени од страна на сопственикот.

Надлежниот јавен обвинител издал наредба за обдукција на починатите и вештачење на прибраниот доказен материјал. Обезбедени биле траги од лице место, како и снимките од видео надзорот од менувачницата.

Од обвинителството информираат дека го утврдиеле идентитетот на едно од починатите лица и дека во моментов работат на идентификација и на второто починато лице.

Денеска во менувачница во Кисела Вода две лица се обиделе да извршат разбојништво со закана со огнено оружје при што и физички го нападнале сопственикот на менувачницата, по што тој одговорил и со пиштол ги застрелал двајцата.

Треба да знаете
Последни објави