Во најновиот билтен на Македонската кошаркарска федерација за сениорските кошаркарски лиги, директорот на МЗТ Скопје Аеродром, Тони Грнчаров добил суспензија од два меча.
Причината која е донесена одлуката од комесарот за натпреварување, Владо Цветковски е поради последниот инцидент, кој се случил на натпреварот кој МЗТ го играше на гости против Блокотехна во Гевгелија
Популарниот Грне на натпреварот влегол во вербален конфликт со судиите и поради конфликт со службеното обезбедување било донесена одлука да биде отстранет од спортската сала.
МЗТ Скопје во моментов се наоѓа на третата позиција, а пред аеродромците се Блокотехна кои се втори на табелата и Работнички кој е без пораз сезонава.
