Search

Двајца Македонци на листата на Forbes на најдобри претприемачи под 30 години

Двајца Македонци на листата на Forbes на најдобри претприемачи под 30 години

Жарко Димитриоски (28), основач на маркетинг агенцијата „Еден на еден“ и Нина Ангеловска (29) основач на „Групер.мк“ се најдоа на европската листа на Forbes на најдобри претприемачи под 30 години.

Димитриоски е избран во категоријата „Media and Marketing“, а Ангеловска во категоријата „Retail and Ecommerce“.

Тие вчера присуствуваа на свеченоста во Лондон каде што официјално беа објавени 300 највлијателни луѓе во Европа под 30 години во 10 категории.

„После седум години напорна работа, стотици поминати предизвици, тони вложена енергија на сите страни и после бројни признанија кои секогаш се непроценлива мотивација на седмиот роденден на ‘Групер’ го достигнав најголемото до сега – ‘Forbes – 30 under 30’. Дали денов е коинциденција, универзумот или седмицата е среќна бројка не знам ама знам дека се чувствувам прекрасно и многу благодарно. За првпат Македонија ја има во листата и тоа дури со двајца претставници. Јас и Жарко ‘Еден на еден’. Шансите за влез се 3-6% од ијадници номинации односно шансите за влез во ‘Forbes – 30 under 30’ се помали од ‘Стенфорд’ и ‘Харвард’. Се надеваме дека Македонија е горда и ќе го препознае ова големо признание“, напиша Нина на Facebook.

Треба да знаете
Последни објави