Претседателот на Соединетите Американски Држави, Доналд Трамп има сериозен проблем со прекумерната тежина, откри неговиот доктор.
Доктор Рони Џексон, доктор од Белата куќа кој што исто така му беше доктор и на поранешниот претседател Барак Обама изјави дека Доналд Трамп е целосно здрав, но му советува да внимава на исхраната и да започне да вежба.
„Тој има многу енергија и многу голема издржливост“, изјави Џексон за 71-годишниот претседател на Соединетите Американски Држави.
Претседателот Доналад Трамп е тежок 108 килограми и висок 190 сантиметри, изјави Џексон. Тоа го прави „голем“, односно човек со вишок на килограми според сите стандарди на односот меѓу висината и тежината.
Според Националниот институт за срце, бели дробови и крв, Доналд Трамп има индекс на телесна маса „БМИ“ од 30,3%, што го прави „пополнет“. Центарот за контрола на болести смета дека „БМИ“ од 29,9% е на самата граница, па Трамп треба да започне диета и да вежба.
После анализите за разни болести, како и тестовите за Алцхајмерова болест, според докторот Џексон, претседателот е здрав. Според оценките на докторите на тестовите, Трамп добил оцена 30/30, изјави Џексон и додаде дека немало „никакви индикации дека има некакви конгитивни проблеми“.
„Тој е многу бистар, посебно кога зборува“, изјави првиот доктор во Белата куќа, Рони Џексон.
