Ждрепката за четвртфиналните и полуфиналните натпревари на женската фудбалска УЕФА Лига на шампиони се одржа денеска. Европските дебитанти Реал Мадрид ќе играат против ривалите од „Примера” и актуелниот европски првак Барселона.
Фудбалерките на Баерн во четвртфиналето ќе се соочат со Париз што, пак, ќе претставува повторување на четвртфиналето од 2016/17 година.
Јувентус ќе игра со седумкратниот шампион Лион, кој ги елиминираше Бјанконерките во осминафиналето од изминатата сезона.
Четиринаесеткратниот четвртфиналист Арсенал, кој го крена овој трофеј во 2007 година, ќе се соочи со Волфсбург, победник на ова натпреварување во 2013 и 2014 година.
Полуфинална ждрепка одлучи во полуфиналето од женската Лига на шампиони на УЕФА да се соочат Реал Мадрид или Барселона со Арсенал или Волфсбург и Јувентус или Лион со Баерн или Париз.
Првите натпревари во четвртфиналната фаза ќе се играат на 22 и 23 март 2022 година, а реваншите на 30 и 31 март.
