Омилен пијалок во зимските денови за многу луѓе е топлото чоколадо. Покрај задоволството за непцето, неколку голтки од овој кремаст деликатес ќе го заштитат кардиоваскуларниот систем, ќе ја ублажат кашлицата и ќе ги смират стомачните тегоби.
Состојки
150 гр чоколадо со 60% какао
200 мл полномасно млеко
200 мл слатка павлака
1 лажичка кафеав шеќер
прстофат сол
по желба малку цимет
по желба, колачиња од бел слез
Подготовка
Чоколадото исечкајте го на што помали парчиња. Измешајте ги млекото и павлаката и истурете ги во тенџерето и ставете да се варат на средна температура.
Штом смесата ќе зоврие, прелијте ја со сечканото чоколадо и мешајте додека не добиете густа кремаста смеса, доколку се формираат грутчиња нежно кршете ги со жица за матење.
На крајот додадете прстофат сол што ќе го подобри вкусот на чоколадото и малку цимет по желба.
Совет: Во топлото чоколадо наместо цимет, додадете малку морско оревче, рендан свеж ѓумбир или чили во прав.
