Адел и Ед Ширан ги предводат номинираните за британските музички награди – Brit Awards 2022 – со по четири номинации, како што беше објавено во саботата (18 декември).
Раперите Дејв и Литл Симз, исто така, добија четири номинации во списокот на кој годишните почести за поп музиката во Британија нема да бидат поделени на машки и женски категории.
Организаторите минатиот месец соопштија дека воведуваат родово неутрални награди за локални и меѓународни уметници, а изведувачите сега се во трка за уметник на годината или меѓународен уметник на годината.
Британската поп диваАдел, која е на врвот на топ листите низ светот со нејзиниот најнов албум „30“, обезбеди четири номинации, вклучително и номинации за најдобар албум, најдобар изведувач и најдобра песна за Easy On Me.
„Бритс“ ќе се одржат на 8 февруари во Лондон.
