Со влегување во 2024 година, многу луѓе, како и обично во пресрет на новата година, ќе донесат новогодишни одлуки, од кои повеќето ќе бидат поврзани со здравјето и долговечноста.
Д-р. Брет Озборн, невролог од Флорида и експерт за долговечност, за Фокс њуз дигитал открива пет докажани основи за подобро здравје и подолг живот што сите ние треба да ги следиме.
Јадете храна со низок гликемиски индекс
На секоја храна и е доделен број од 0 до 100 врз основа на тоа како влијае на нивото на шеќер во крвта.
Луѓето треба да ја добиваат дневната доза на јаглехидрати од зеленчук, додека треба да избегнуваат едноставни јаглехидрати, вклучувајќи шеќер, тестенини и ориз, храна со гликемиски индекс поголем од 40.
-Јадете и многу масти – наслиново масло, авокадо, јаткасти плодови и путер – за да го тренирате вашето тело да согорува масти наместо шеќер, и умерени количини на протеини (од посно месо и риба) за поддршка на вашата мускулна маса – препорача Озборн.
Фокусирајте се на тренингот за сила
Губењето на мускулите поврзано со возраста не е поврзано само со слабост, туку и со когнитивно опаѓање, поради што е важно да се заштитат мускулите преку тренинг за сила.
Следете го вашиот крвен притисок
-Не постои полесен начин да се намали ризикот од болести поврзани со стареењето од следењето на крвниот притисок – вели др. Озборн.
Неконтролираното висок крвен притисок го зголемува ризикот од развој на притисок во коронарните или каротидните артерии, што може да доведе до срцев удар или мозочен удар. Најдобар начин за одржување на здрав крвен притисок е да се храните чисто, да вежбате секојдневно и да го намалите стресот.
Проверете ја вашата крвна слика
На секои шест месеци треба да одите во здравствениот дом и да ја проверувате вашата крвна слика, особено ако сте постара личност.
Избегнувајте стрес
Со цел да се намали нивото на стрес, др. Озборн препорачува релаксирачки активности како јога, медитација, масажа, поминување време на плажа или одење во сауна.
