Руски проектили погодија два индустриски капацитета во централниот украински град Криви Рих во раните утрински часови денеска, изјави градоначалникот Олександр Вилкул, а пријавен е и напад со дронови во Одеса.
Вилкул рече дека три ракети погодиле две индустриски компании „кои немаат никаква врска со војската“, ранувајќи еден 38-годишен маж. Еден автомобил е оштетен од остатоци од проектил соборени од противвоздушна одбрана.
Во јужниот пристанишен град Одеса, властите соопштија дека воздушната одбрана ги соборила сите 18 руски беспилотни летала што денеска се приближиле до регионот.
Властите на Крим под руска контрола исто така пријавија напад со беспилотни летала, велејќи дека собориле девет украински беспилотни летала.
