Дваесетгодишно момче Лазар Т. е осомничен дека воМарибор, Словенија ја задавил својата девојка, српска државјанка Емилија М.(27).
Според словенечките медиуми, младиот човек прво ја претепал девојката, а потоа ја задавил.
Соседите изјавиле дека слушнале звуци од станот и жена која вика: „Пушти ме“. Кога сакале да повикаат полиција, велат тие, звуците престанале.
Сè се случило во четвртокот, а злосторството било откриено дури во понеделникот.
Младиот човек дури два дена спиел покрај својата мртва девојка, пишуваат тамошните медиуми.
По убиството се јавил на мајка си и рекол дека неговата партнерка е добро иако се расправале и се степале. Следното утро повторно и се јавил на мајка си и ја уверил дека со партнерката е се во ред и дека ќе ги извести нејзините роднини за инцидентот.
За тоа време, осомничениот отишол во Ургентниот центар во болницата во Марибор поради повреда на раката и ногата, каде изјавил дека се повредил во тепачка со партнерката и дека удрил во работ од креветот. Тој добил лекарска помош во болница и се вратил дома.
На 27 мај мајката ја повикала жртвата, но нејзината ќерка не одговорила. Осомничениот и се јавил и рекол дека спие бидејќи била повредена бидејќи била претепана.
Во обдукцијата наредена од дежурниот судски вештак биле откриени знаци на задушување и тешки повреди на главата. Според патологот, смртта настапила ноќта меѓу 25 и 26 мај. Осомничениот е изведен пред истражен судија кој му одреди мерка притвор.
Пропишаната казна за вакво убиство се движи од пет до 15 години.
Како што соопштија од полицијата, убиецот повеќе пати бил гонет за насилство, во 2021 година поради основано сомнение за семејно насилство и полесни физички повреди кои и ги нанел на мајка си. Во 2022 година му беше судено за нарушување на јавниот ред и мир бидејќи нападнал странски турист во центарот на градот. Неколку пати му се судеше за поседување дрога.
