Search

Репрезентативката Гичевска нова ракометарка на француски Безансон

Францускиот прволигаш Безансон ја ангажираше во своите редови македонската ракометна репрезентативка Леонида Гичевска, потпишувајќи со неа договор до крајот на сезоната.

Дваесет и четиригодишната Гичевска се сели во Франција како „медицински џокер“ од Локомотива Загреб и во Безансон треба да го надомести отсуството на повредените Одри Дембеле и Ализе Фрекон-Демуж.

-Навистина сум среќна што дојдов во Безансон. Тоа е клуб со долга и убава историја и високи цели, изјави Гичевска за клупскиот сајт.

Гичевска претходно во кариерата настапуваше за француските второлигаши Ле Пузин и Авесноа, а во најсилното француско првенство ќе дебитира во дресот на Безансон, кој по 15 одиграни кола се наоѓа на седмото место со 24 бодови, 12 помалку од лидерот Мец.

Треба да знаете
Последни објави