Search

Драконска казна за Јувентус- не девет туку минус 15 бода

Фудбалската федерација на Италија го казни Јувентус со одземање на 15 бода сезонава поради финансиски малверзации на претходната управа предводена од Андреа Ањели.

Но, тоа не е се, Фабио Паратичи доби казна од 2.5 години да биде надвор од фудбалот, додека Аривабене и Ањели се казнети со две години, Недвед осум месеци, а Черубини 1.5 година.

Со новата казна и одземањето на бодови, Јувентус наместо 37, сега има 22 бода и падна на 11-та позиција на табелата со што се прости од титулата, а веројатно и од пласман во Лигата на шампионите.

Лидерот на табелата, Наполи сега има 25 бода повеќе од Јувентус, додека Лацио, Рома и Аталанта кои се на делба на четвртото место имаат 12 бода повеќе.

Јувентус има право на жалба на оваа одлука.

Треба да знаете
Последни објави