Аргентинската ѕвезда Пауло Дибала, најголемото летно засилување на Рома, ја однесе „волчицата“ во четвртфиналето на Купот на Италија, откако неговиот единствен гол на средина од вториот дел ѝ пресуди на Џенова во пресметката на „Олимпико“ (1-0).
Дибала кој доби признанија од Рома и овации од римските навивачи после освојувањето на светската титула со Аргентина, беше клучен со соло-акцијата во 64-та минута по која даде гол за триумф на Рома и пласман меѓу осумте најдобри во Купот.
Фиорентина со 1-0 ја елиминира Сампдорија во вториот денешен меч од осминафиналната програма, а вчера Милан испадна од Торино, додека Интер едвај преживеа со Парма и по два часа фудбал успеа да се протне во четвртфиналето.
Останатите осминафинални мечеви во Купот на Италија се на програмата идната недела.
Во четврт-финалето, Рома ќе го пречека подобриот од дуелот помеѓу Наполи и Кремонезе.
⚽️????Golazo de la Joya!!!
Paulo Dybala y una jugada fantastica para marcar el primero de la Roma.pic.twitter.com/kFalNEqk6S— Matteo Vignapiano (@matte_fco) January 12, 2023
