Организаторите на англискиот фудбалски Лига куп го соопштија денеска распоредот на полуфиналните натпревари, кои се на програмата на почетокот од идната година.
Првиот натпревар од полуфиналето меѓу лондонските ривали Челзи и Тотенхем ќе се игра на 5 јануари, а ден подоцна во Лондон ќе играат Арсенал и Ливерпул.
Реванш натпреварите се една седмица подоцна, а сите започнуваат во терминот од 20:45 часот.
Минатата сезона титулата ја освои екипата на Манчестер сити, која сезонава беше елиминирана во осминафиналето од Вест Хем.
