Во последните 24 часа, во Русија е забележан рекорден број на новозаболени лица, дури 18,665, а починале 245 пациенти, соопшти денеска рускиот кризен штаб.
Вкупниот број на потврдени случаи на Ковид-19 досега е 1.636.781, а просечната стапка на раст на бројот на новоинфицирани е 1,2 проценти, пренесе ТАСС.
Во последните 24 часа во Русија се опоравиле 10.259 пациенти, односно вкупно 1.225.673 од почетокот на пандемијата.
Во последните 24 часа починаа 245 пациенти со Ковид-19, вкупно 28.235 од почетокот на светската здравствена криза.
Според резултатите од анализата објавена од кризниот штаб, стапката на смртност кај пациентите со Ковид е 1,73 проценти.
