Европската фудбалска федерација соопшти дека сите 12 града изразија подготвеност да бидат домаќини на јубилејното Евро 2020 кое е поместено за следната година. За ова градовите домаќини испратиле и потврди.
– Се претпоставува дека Европското првенство 2020 ќе се одржи од 11 јуни до 11 јули 2021 година. Имаме намера да го задржиме истиот распоред за игри и истите градови домаќини. Сепак, во оваа фаза, распоредот за натпревари сè уште не е официјално потврден. УЕФА е во контакт со сите 12 града по ова прашање, објави УЕФА.
Неодамна се постави прашање до УЕФА дека претседателот на данската фудбалска унија, Јеспер Милер, се сомнева во подготвеноста на Копенхаген да биде домаќин на Еуро 2020, поради велосипедската трка Тур де Франс.
Престижната велосипедска трка околу Франција, треба да стартува токму од данската престолнина Копенхаген, во време кога треба да се игра евро-шампионатот.
