Поранешниот ракометар на Вардар беше најдобар играч на Хрватска во драматичната победа над Германија 25:24 со која се пласираа во полуфиналето на Европското првенство.
По 2:1 за Хрватска во третата минута Германија доминираше на теренот во најголемиот дел од мечот, неколку пати имаше предност и од пет гола разлика, по првиот дел водеше со 14:11.
Одлично го почнаа и второто полувреме, но како натпреварот се ближеше до крајот така Хрватска полека се враќаше во мечот и ја топеше предноста на Германците.
Германија имаше водство од 24:23, а последните два гола ги постигнаа Хрватите и дојдоа до победа од 25:24.
Одбраната го реши мечот иако голманите на Хрватска имаа лош ден, Шего беше лош со само три одбрано во целиот меч, но на крајот одбрани напад за израмнување на Германија.
Херојот на Хрватска беше легендата на Вардар, Игор Карачиќ кој постигна седум голови, пет реализираше Дувњак. Кај Германците Генсхајмер, Кастенинг, Рајхман и Вебер постигнаа по четири гола.
