Search

Спасовски: Има поединци во МВР побогати од бизнисмени, досега стотина полицајци добиле отказ

Министерот за внатрешни работи, Оливер Спасовски во емисијата „Отворено“ на ТВ„24“ изјави дека веингот ќе почне за еден месец, а досега сто полицајци биле избркани од работа.

–Генерално ако следиме што се посакува да се случи, веројатно ако ги прашате 90 проценти од граѓаните би рекле дека сите што се во полиција треба да си одат дома. Меѓутоа, дали е тоа исправно и фер. Затоа реков ветингот во полицијата не се најавува долго време и за многу кратко време ќе се одржи конференција на која ќе се разговара со нудење на законско решение што треба да се спроведе во рамки на МВР.Може да кажам дека за еден месец ќе биде пуштено во Собранието законското решение за ветингот. Клучната цел на ослободување и демократизација на МВР е постигнат. Промените се процес и тој процес ќе го продолжиме.  Најголема реформа е завршена, а тоа е реформа на системот за следење на комуникациите. Реформирани се целосно и безбедносните служби, а денеска Агенцијата за национална безбедност доби директор. За три пати се зголемени дисциплинските постапки. Бројката на луѓе кои што добиле отказ од работното место е околу сто, рече Спасовски, опишувајќи ги овие службеници како луѓе кои правеле проблеми во минатото, нанеле зло.

Според министерот, во МВР има полицајци кои се побогати од граѓани кои 20 години се занимаваат со бизнис.

Треба да знаете
Последни објави