Канцеларијата за дијаспора во словенечката влада добила повеќе од 20 барања за враќање дома на словенечки државјани и нивни потомци кои живеат во Венецуела, држава погодена од тешка економска и политичка криза.
Во мај, акцијата беше иницирана од властите во Словенија и одобрена од парламентарната комисија за дијаспора, одговарајќи на поплаките од лица од словенечко потекло кои велат дека во Венецуела, поради сериозна криза, останале без извор на приходи и здравствена заштита.
Според словенечките медиуми, досега не е одобрена ниту една апликација за репатријација, бидејќи се чека посебен предлог-закон.
Владата на Словенија досега одобри финансиска помош од вкупно 1.500 евра, а преку Канцеларијата за хуманитарна помош на Европската комисија 50.000 евра за трошоци за лекување.
Според проценки, неколку илјади Словенци живеат во Венецуела.
