Поранешниот претседател на Грузија Михаил Саакашвили ги повика сонародниците да не ги признаваат резултатите од денеска одржаниот втор круг од претседателските избори.
Во видео-порака од Холандија, каде сега живее, Саакашвили рече: Никогаш нема да ги признаам резултатите од овие избори. Ова денеска не беа избори. Тоа не беше демократски процес”.
Тој ги повика граѓаните на Грузија утре да почна со „масовна граѓанска непослушност”.
По завршувањето на изборниот ден во 20 часот по локално време, резултатите од излезните анкети на „Галуп интернешенел”, покажуваат дека победник на вториот круг со 57 отсто од гласовите е Самоле Зурабишвили, поддржана од владејачката партија „Грузиски сон “. Нејзиниот ривал Григол Вашадзе од опозициското „Единствено национално движење”, кои се приврзаниците на Саакашвили, доби 43 проценти.
На крајот на гласањето, одѕивот на гласачите изнесуваше 56,23 отсто, соопшти грузиската ЦИК.
