Актерката Џенифер Анистон неодамна во едно свое интервју раскажа за моментот кога нејзината колешка Анџелина Џоли во 2005 година, пред нејзини очи и го украл тогаш нејзиниот сопруг Бред Пит, пишува „Мирор“.
Анистон и Пит се венчаа во 2000 година, а нивниот брак траел пет години. Причината за разводот била Анџелина Џоли, во која Бред Пит се заљубил за време на нивното заедничко снимање на филмот „Господин и госпоѓа Смит“.
Анистон за „Ванити фер“ откри дека со нејзината седум години помлада колешка Анџелина Џоли, се видела само еднаш во животот и тоа на паркинг додека ја снимала серијата „Пријатели“. Средбата се случила во 2004 година, непосредно пред почетокот на снимањето на филмот „Господин и госпоѓа Смит“.
„Бред е многу возбуден што ќе работи со тебе. Се надевам дека добро ќе се забавувате“, ѝ кажала тогаш Анистон на Џоли, не насетувајќи воопшто дека може да ѝ го украде мажот.
Анистон сега открива дека ништо не ѝ навестило дека средбата меѓу Анџелина и Бред ќе биде крај за нејзиниот брак и почеток на нова љубовна приказна. Денеска Анистон вели дека чувствува тага поради коментарот кој ѝ го дала на Џоли. Џенифер откри дека Бред си заминал многу брзо од нејзиниот живот откако ја запознал Анџелина.
