Search

Џафери имал работа, денеска нема да сведочи за „27 април”

Собранискиот спикер, Талат Џафери кој требаше денеска да сведочи на судењето за наводните организатори на 27 Април, нема да дојде во судница.

Го известил судот дека има работни обврски и дека може да сведочи дури после 12 часот, но поради другите неколкумина повикани сведоци, судот го информирал Џафери ќе го повика да сведочи на некое од следните рочишта.

За случајот, и денеска сведочат пратеници. По барање на одбраната свои искази за случувањата на 27 април ќе имаат Стојан Миланов, Нада Цикушева, Борис Змејковски, Павлина Честојанова и Драган Цуклев.

Според обвинителниот акт на Обвинителството за гонење на организиран криминал и корупција, случувањата од 27 април во Собранието ги организирале Трајко Вељановски, Миле Јанакиески, Спиро Ристовски и Владимир Атанасовски. Обвинети се за терористичко загрозување на уставниот поредок и безбедноста.

Треба да знаете
Последни објави